0
0
Read Time:1 Minute, 8 Second
ကဗျာ ကဏ္ဍ “မြန်မာ”
ပျိုးကြဲလက်
ရာဇကုမာရ် ၊ ကျောက်ထက်စာက
ငါတို့အမျိုး ၊ လက်ညှိုးထိုး၍
ရိုးသားစွာပါ့ ၊ လမ်းညွှန်ပြ၏ ။
တာဝန်ကျေပွန် ၊ ခေတ်တိုင်းလွန်၍
ပျူမွန်မြန်မာ ၊ ပါဠိစာဖြင့်
နောင်လာနောက်သား ၊ အသိပွားအောင်
ချန်ထားခဲ့ဘိ ၊ ချန်ခဲ့၏ ။
ပျူလူမျိုးမှာ ၊ ခိုင်မာစွာတည့်
ပျူစာကိုကြည့် ၊ သိနိုင်၏ ။
မွန်လူမျိုးမှာ ၊ ခိုင်မာစွာတည့်
မွန်စာကိုကြည့် ၊ သိနိုင်၏ ။
မြန်မာစာက ၊ သက်သေပြသည်
တို့ကမြန်မာ ၊ လူမျိုးပါတည့် ။
မြန်မာလူမျိုး ၊ ဘယ်ချောင်ထိုး၍
လူမျိုးဗမာ ၊ ဆိုရာအံ့နည်း ။
ဗမာဟူက ၊ စာပေပြစေ
မပြနိုင်က ၊ အမှန်ပြသည့်
ရာဇကုမာရ် ၊ ကျောက်ထက်စာမှ
မြန်မာလူမျိုး ၊ ကမ္ပည်းထိုးသည့်
မျိုးရိုးမြန်မာ ၊ သမိုင်းလာကို
သိပါမှတ်ပါ ၊ လက်ခံပါလော့ ။ ။
ပျိုးကြဲလက်
ကဗျာရေးသားချိန် ၂၀၂၃ ခုနှစ်၊ မေလ ၂၉ ရက် နံနက် ၂ နာရီ ၁၂ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
