0
0
မြင်းခြံမြို့နယ်၊ ဆီမီးခုံရဲစခန်းနှင့်ဆုံရွာ ပျူစခန်းတို့ကို ဒရုန်းဖြင့် ဗုံးကြဲတိုက်ခိုက်မှု ၃ ဦး ဒဏ်ရာရ (ရုပ်သံ)
D Day News
ဩဂုတ်လ ၂၂
မန္တလေးတိုင်း၊ မြင်းခြံမြို့နယ်၊ ဆီမီးခုံရဲစခန်းနှင့် ဆုံရွာ ပျူစခန်းတို့ကို ဒရုန်းဖြင့် ဗုံးကြဲတိုက်ခိုက်ခဲ့ရာ ပျူ၃ ဦးဒဏ်ရာရရှိခဲ့ကြောင်း ရွှေဂျိုးဖြူပြည်သူ့ကာကွယ်ရေးတပ်ဖွဲ့ထံမှသိရသည်။
ယမန်နေ့ ဩဂုတ် ၂၁ ရက် နံနက် ၁၀ နာရီခန့်က မြင်းခြံမြို့နယ်၊ ဆုံရွာရှိအကြမ်းဖက်စစ်သား၊ ပျူ စောထီး ပူပေါင်းတပ်စွဲထားသည့် ကင်းစခန်းပေါ်သို့ Fixed-Wing ဒရုန်း နှစ်စီးဖြင့် ၈ဝဝ g ဗုံးသီး ၂ လုံး ကျဲချတိုက်ခိုက်ခဲ့ရာ ကင်းစခန်းများပေါ်သို့ တည့်မတ်စွာ ကျရောက်ပေါက်ကွဲခဲ့ပြီး ပျူ ၃ ဦး ဒဏ်ရာရခဲ့ကြောင်း သိရသည်။
အလားတူ မွန်းတည့် ၁၂ နာရီ ၃၀ မိနစ်အချိန်တွင် ဆီမီးခုံမြို့ရဲစခန်းအတွင်းသို့ Fixed-wing ဒရုန်း ဖြင့် ၈၀၀ g ဗုံးသီး ၁ လုံး ထပ်မံကျဲချ တိုက်ခိုက်ခဲ့ရာ စခန်းတွင်းကျပေါက်ကွဲခဲ့ပြီး အကြမ်းဖက် စစ် သား၊ ရဲများက ထိခိုက်သေဆုံးမှုကို စုံစမ်းနေဆဲဖြစ်ကြောင်း သိရသည်။
“၃ ယောက်ထိတယ်လို့ သတင်းရသေးတယ်၊ ဆီမီးခုံရဲစခန်းက စုံစမ်းမရသေးဘူး။ ဗုံးသီးချ နေတဲ့ အ ချိန် မှာ လက်နက်ငယ်တွေနဲ့ ရမ်းသမ်းပစ်ခတ်တာတွေရှိခဲ့ပါတယ်” ဟု ရွှေဂျိုးဖြူပြည်သူ့ကာကွယ် ရေးတပ်ဖွဲ့မှ တာဝန်ရှိသူ တစ်ဦးက ပြောကြားသည်။
အဆိုပါ တိုက်ခိုက်မှုကို ရွှေဂျိုးဖြူ-ပြည်သူ့ကာကွယ်ရေးတပ်ဖွဲ(မြင်းခြံ) နှင့် AungSan’s Blood Civilians Defense Force (ABCDF) မဟာမိတ်ညီနောင် နှစ်ဖွဲ့ ပူးပေါင်းကာ တိုက်ခိုက်ခဲ့ခြင်း ဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
