0
0
ရန်ကုန်တိုင်း စစ်ဌာနချုပ် PDF တပ်ရင်းသို့ စစ်ကောင်စီတပ်မ ၄၄ လက်အောက်ခံ တပ်သား ၂ ဦး အလင်းဝင်
D Day News
ဩဂုတ်လ ၁၆
ရန်ကုန်တိုင်းစစ်ဌာနချုပ် PDF တပ်ရင်းထံသို့ အကြမ်းဖက်စစ်ကောင်စီ၏ တပ်မ ၄၄ လက်အောက်ခံ တပ်သား ၂ ဦး အလင်းဝင်ခဲ့ကြောင်း သိရသည်။
အကြမ်းဖက်စစ်ကောင်စီ၏ တပ်မ ၄၄ လက်အောက်ခံ ခမရ ၂ မှ တသ ဝေလင်းထက်၊ နှင့် ခလရ ၁၂ (တပ်ရင်း ၃၅၆) မှ တသ ခွန်ကျော်ဦး တို့ ၂ ဦးသည် ပြည်သူ့ကာကွယ်ရေးတပ်မတော်၊ ရန်ကုန်တိုင်း စစ်ဌာန၊ တပ်ရင်း ၅၁၀၂ သို့ ဆက်သွယ်ကာ လက်နက်မဲ့ အလင်းဝင်လာခဲ့ကြောင်း သိရသည်။
ထိုသို့ အလင်းဝင်ရောက်ခဲ့သည့် စစ်ကောင်စီတပ်သား ၂ ဦးကို လုပ်ထုံးလုပ်နည်းများနှင့် အညီ စိစစ် လက်ခံပြီး ဂုဏ်ပြုဆုငွေ ချီးမြှင့်ခဲ့ကြောင်း ရန်ကုန်တိုင်းစစ်ဌာနချုပ်က ထုတ်ပြန်ထားသည်။
လက်နက်ချပြီး ပြည်သူနှင့်ပူးပေါင်းလိုသော စစ်ကောင်စီတပ်သားများကို ရန်ကုန်တိုင်းစစ်ဌာနချုပ်မှ လက်ခံကြိုဆိုလျက်ရှိပြီး လူ့အခွင့်အရေးအပြည့်အဝရရှိစေမည် ဖြစ်ကြောင်း၊ ထို့အပြင် လက်နက်ဖြင့် အလင်းဝင်လာသူများကို ဆုငွေများချီးမြှင့်ပေးသွားမည်ဖြစ်ကြောင်း အသိပေးထားသည်။
D Day News
