0
0
မုံရွာနည်းပညာ တက္ကသိုလ်အတွင်းရှိ စစ်တပ်စခန်းကို ရော့ကတ်၊ ဒရုန်းများဖြင့် တိုက်ခိုက်မှုစစ်သား ၅ ဦးသေဆုံး (ရုပ်သံ)
D Day News
ဩဂုတ်လ ၄
စစ်ကိုင်းတိုင်း၊ မုံရွာမြို့၊ မုံရွာနည်းပညာတက္ကသိုလ်တွင်တပ်စွဲထားသော အကြမ်းဖက်စစ်သားများကို ရော့ကတ်၊ ဒရန်းဖြင့်များဖြင့် ဗုံးကြဲတိုက်ခိုက်ခဲ့ရာ စစ်သား ၅ ဦးသေဆုံးခဲ့ကြောင်း မုံရွာခရိုင်ပြည်သူ့ ကာကွယ်ရေးတပ်မတော် တပ်ရင်း ၃ ထံမှ သိရသည်။
မုံရွာနည်းပညာတက္ကသိုလ်အတွင်း တပ်စွဲထားသော အကြမ်းဖက်စစ်သား အင်းအား ၆၀ ခန့် ရှိသည့် အထိုင်စခန်းနေရာအား ၂ မိုင်ပစ် ရော့ကတ် အလုံး (၁၀၀) နှင့် Fixed Wing Drone များဖြင့် ပစ်ခတ် တိုက်ခိုက်ခဲ့ရာ အကြမ်းဖက်စစ်သားများ နေထိုင်သည့် ကင်းတဲ ၁ လုံး ၊ နေထိုင်ရာ အဆောက် အဦး ၄ လုံး ပျက်စီးကာ အရာရှိမိသားစုဝင် အဆောင် အဆောက်အဦးတစ်လုံး မီးလောင်ပျက်စီးခဲ့ကြောင်း သိရသည်။
ထို့အပြင် အကြမ်းဖက်စစ်သား ၃ ဦးအပြင်းအထန်ဒဏ်ရာရရှိကာ ၂ ဦးသေဆုံးခဲ့ပြီး အကြမ်းဖက်စစ် သား ၁၅ ဦး ဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုကို မုံရွာခရိုင်အမှတ် ၃ တပ်ရင်းမှ ဦးဆောင်၍ မုံရွာခရိုင်အမှတ် ၂၇ တပ်ရင်း (တပ် ခွဲ ၃ သိမ်းငှက်တပ်ခွဲ) နှင့် မင်းကင်းဒေသခံပြည်သူကာကွယ်ရေးတပ်ပေါင်းစု (Mingin Local PDF Union) အဖွဲ့များပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
အလားတူ ဩဂုတ်လ ၃ ရက်နေ့ မွန်းလွဲ ၂ နာရီခန့်တွင် မုံရွာမြို့ နည်းပညာတက္ကသိုလ်တွင် အထိုင်ချ တပ်စွဲထားသော အကြမ်းဖက် စစ်တပ်စခန်းကို တော်လှန်ရေး ရဲဘော်များက Rocket ၂၇ လုံးဖြင့် ပစ် ခတ်တိုက်ခိုက်ခဲ့ရာ အကြမ်းဖက် စစ်သား ၃ ဦး သေဆုံးပြီး ၄ ဦး ပြင်းထန်ဒဏ်ရာရရှိခဲ့ကြောင်း သိရ သည်။
အဆိုပါ တိုက်ခိုက်မှုကို မုံရွာခရိုင်တပ်ရင်း ၃ နှင့် မင်းကင်းမြို့နယ် Lcal တပ်ပေါင်းစုအဖွဲ့တို့က ပူး ပေါင်းတိုက်ခိုက်ခဲ့ခြင်းဖြစ်ကြောင်း သိရသည်။
D Day News
