0
0
ကဗျာ ကဏ္ဍ “ကြောက်ပါဘိ”
ပျိုးကြဲလက်
ဥက္ကဌလည်း ၊ မျက်နှာမည်းနှင့်
ရင်ထဲကြောက်စိတ် ၊ တထိတ်ထိတ် ။
ဝန်ကြီးချုပ်လည်း ၊ မျက်နှာမည်းနှင့်
ရင်ထဲကြောက်စိတ် ၊ တထိတ်ထိတ် ။
သမ္မတလည်း ၊ မျက်နှာမည်းနှင့်
ရင်ထဲကြောက်စိတ် ၊ တထိတ်ထိတ် ။
ဘယ်နေ့ဘယ်ပုံ ၊ အကြောင်းဆုံက
ယမ်းပုံမီးကျ ၊ အာဏာပြ၍
အရူးကာချုပ် ၊ ထင်ရာလုပ်လျှင်
အချုပ်ထောင်ထဲ ၊ ဝဋ်ဆင်းရဲနှင့်
ညှဉ်းဆဲသည့်ဒဏ် ၊ ခံရမည် ။
အာဏာမသိမ်း ၊ စိတ်မယိမ်းဘဲ
ငြိမ်းချမ်းစေရာ ၊ စွမ်းဆောင်မှာဟု
လိမ်ညာပြောစေ ၊ ပြည့်သက်သေက
မျက်ရည်ချောင်းစီး ၊ သွေးချောင်းစီး ။
ပုံရိပ်ပေါ်ရာ ၊ ကြေးမုံသာ၌
ဘယ်ခါမဆို ၊ ကြောက်စိတ်ပို၍
ကိုယ့်ကိုယ်ကိုပင် ၊ မကြည့်ချင်ခဲ့
ကြည့်လျှင်ကြည့်ချင်း ၊ ကြေးမုံတွင်းဝယ်
ချက်ချင်းပေါ်လာ ၊ ကြောက်ဖွယ်ရာနှင့်
ကာချုပ်ကာချုပ် ၊ အရှင့်ရုပ်ဟု
ရိုတုပ်ကွရ ၊ လက်စွမ်းစကို
ဥက္ကဌလည်းကြောက်ပါဘိ ။
ဝန်ကြီးချုပ်လည်းကြောက်ပါဘိ ။
သမ္မတလည်းကြောက်ပါဘိ ။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ ဇူလိုင်လ ၂၈ ည ၁၁ နာရီ ၃ မိနစ်
D Day News
