0
0
အုတ်ဖိုတွင် စစ်ဘက်ဆိုင်ရာသုံး ဆက်သွယ်ရေး ကေဘယ်လ်ကြိုးများကို ဖြတ်တောက်ပြီး လာရောက်ပြင်ဆင်သည့် စစ်သားများကို မိုင်းဆွဲတိုက်ခိုက်မှု ၁၀ ဦးသေဆုံး
D Day News
ဧပြီလ ၂
ပဲခူးတိုင်း၊ အုတ်ဖိုမြို့နယ်တွင် စစ်ဘက်ဆိုင်ရာသုံး ဆက်သွယ်ရေး ကေဘယ်ကြိုးကို ဖြတ်တောက်ပြီး လာရောက်ပင်ဆင်သည့် အကြမ်းဖက် စစ်သားများကို မိုင်းဆွဲ တိုက်ခိုက်ရာ ၁၀ ဦးသေဆုံးခဲ့ကြောင်း သာယာဝတီခရိုင် PDF ထံမှ သိရသည်။
ယမန်နေ့ ဧပြီလ ၁ ရက်နေ့ ည ၁၁ နာရီခန့်က အုတ်ဖိုမြို့နယ်၊ ဝင်းသရက်ကျေးရွာ ချောင်းကမ်းပါးရှိ အကြမ်းဖက် စစ်တပ်၏ စစ်ဘက်ဆိုင်ရာသုံး ဆက်သွယ်ရေး ကေဘယ်လ်ကြိုးကို ဖြတ်တောက်ခဲ့ရာ ယနေ့ ဧပြီလ ၂ ရက် နံနက် ၉ နာရီခန့်တွင် ယင်းဆက်သွယ်ရေးကြိုးအား ပြင်ဆင်ရန် တိမ်မြုပ်ကျေး ရွာအခြေစိုက် ခမရ ၆ တပ်ရင်းမှ စစ်သား ၂၀ ခန့်ခြေလျင်ထွက်ခဲ့ကြောင်း သိရသည်။
ထိုသို့ ထွက်လာသည့် အကြမ်းဖက်စစ်သားများ ပဒေသာမိုင်း ၁၀ လုံး ထောင်ထားသည့် မိုင်းကွင်း အတွင်းရောက်ရှိစဉ် မိုင်းဆွဲ တိုက်ခိုက်ခဲ့ရာ အကြမ်းဖက် စစ်သား ၆ ဦး သေဆုံးခဲ့ပြီး ၇ ဦး ပြင်းထန် ဒဏ်ရာ ရရှိခဲ့ကြောင်း၊ ထိုသို့ ဒဏ်ရာရရှိသည့်စစ်သားများကို လူနာတင်ယာဉ် ၃ စီးဖြင့် လာရောက် သယ်ဆောင်သွားပြီးနောက် ၄ ဦးထပ်မံသေဆုံးသွားကြောင်း သိရသည်။
အဆိုပါ တိုက်ခိုက်မှုကို သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ-အုတ်ဖိုမှ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
