0
0
စစ်အာဏာရှင် အဖွဲ့အစည်းကြောင့် ကျဆုံးခဲ့ရသူ ၅၄၀၀ နီးပါးရှိပြီဖြစ်ကြောင်း ရန်ကုန်အမေရိကန် သံရုံးက ကျောက်တုံးအမှတ်အမှတ်အသားဖြင့် ထုတ်ပြန်
D Day News
ဇူလိုင်လ ၂၃
စစ်အာဏာရှင်များ၏ အကြမ်းဖက်သတ်ဖြတ်မှုကြောင့် ကျဆုံးခဲ့ရသူ ၅၄၀၀ နီးပါးရှိပြီဖြစ်ကြောင်း ရန်ကုန်မြို့ရှိ အမေရိကန်သံရုံးက ကျောက်တုံးအမှတ်အသားဖြင့် ထုတ်ပြန်သည်။
ယနေ့ ဇူလိုင်လ ၂၃ ရက်နေ့သည် မင်းအောင်လှိုင်ခေါင်းဆောင်သော အကြမ်းဖက်စစ်ကောင်စီက ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နှင့် ကိုအောင်သူရဇော်တို့ကို ကွက်မျက်မှု ၂ နှစ်ပြည့် မြောက်သည့်နေဖြစ်ကြောင်း၊ ၂၀၂၁ ခုနှစ် စစ်တပ် အာဏာသိမ်းမှု နောက်ပိုင်းမှစတင်ပြီး တဟုန်ထိုး မြင့်တက်လာသည့် မြန်မာနိုင်ငံအတွင်းမှ ပဋိပက္ခတွင် အသက်ဆုံးရှုံးခဲ့ရသူများအားလုံးအတွက် ပူဆွေးသောကရောက်ရပါကြောင်း အမေရိကန်သံရုံးက ပြောဆိုသည်။
စစ်အာဏာရှင်အဖွဲ့အစည်းက ကိုဂျင်မီ၊ ဖြိုးဇေယျာသော်၊ လှမျိုးအောင်နှင့် အောင်သူရဇော်တို့ကို ကွပ်မျက်မှု ၂ နှစ်ပြည့်မြောက်ခြင်းကို အမေရိကန်သံရုံးက အမှတ်အသားပြုပါကြောင်း၊ အာဏာရှင် အဖွဲ့ အစည်းကြောင့် အသက်သေဆုံးခဲ့ကြရသူများအား ဂုဏ်ပြုထားသည့် အမေရိကန်သံရုံးရှိ ကျဆုံး သူများအမှတ်တရ အထိမ်းအမှတ်နေရာတွင် ယနေ့အထိကျောက်တုံးပေါင်း ၅,၄၀၀ နီးပါးကို ထားရှိခဲ့ ပြီး ဖြစ်ကြောင်း အမေရိကန်သံရုံးက ထုတ်ပြန်ထားသည်။
D Day News
