0
0
မြိုင်မြို့နယ်နှင့် မြောင်မြို့နယ်ရှိ စစ်တပ်ဂိတ်စခန်း၊ ပျူရွာတို့ ဗုံးကြဲတိုက်ခိုက်မှု ပျူ ၁ ဦး သေဆုံး
D Day News
ဇူလိုင်လ ၁၄
မကွေးတိုင်း၊ မြိုင်မြို့နယ်၊ သရက်ကန်ပျူရွာကို ဒရုန်းဖြင့် ဗုံးကြဲတိုက်ခိုက်ခဲ့ရာ ပျူ ၁ ဦးသေဆုံးခဲ့ ကြောင်း အလင်းတန်းပြောက်ကျားတပ်ဖွဲ့ – မြိုင်ထံမှ သိရသည်။
ဇူလိုင်လ ၈ ရက် ညနေ ၄ နာရီခွဲခန့်က မြိုင်မြို့နယ်၊ သရက်ကန်ပျူရွာကို အလင်းတန်းပြောက် ကျား တပ်ဖွဲ့မှ ဒရုန်းဖြင့် အီနာဂါဗုံးသီးများ ကြဲချတိုက်ခိုက်ခဲ့ရာ ပျူ ၁ ဦးသေဆုံးပြီး ၁ ဦးဒဏ်ရာရရှိခဲ့ ကြောင်း သိရသည်။
အလားတူ စစ်ကိုင်းတိုင်း၊ မြောင်မြို့နယ်၊ ကျောက်ရစ်ကျေးရွာရှိ အကြမ်းဖက်စစ်တပ် ဂိတ်ကင်းစခန်း ကို ဒရုန်းဖြင့် ဗုံးကျဲတိုက်ခိုက်ခဲ့ကြောင်း စစ်ကိုင်းခရိုင် ဒရုန်းတပ်ရင်း -SDDF ထံမှ သိရသည်။
ဇူလိုင်လ ၁၁ ရက် မွန်းလွဲ ၂ နာရီမှ ၂ နာရီ ၃၀ မိနစ်အချိန်အထိ မြောင်မြို့နယ်၊ ကျောက်ရစ်ကျေးရွာ ရှိအကြမ်းဖက်စစ်တပ် ကင်းဂိတ်စခန်းကို Multi Wings Drone များဖြင့် 1 kg AIR BOMB ၂ လုံး ကျဲချ တိုက်ခိုက်ခဲ့ရာ အကြမ်းဖက်စစ်သားများ ထိခိုက်သေဆုံးမှုရှိနိုင်ကြောင်း သိရသည်။
အဆိုပါ တိုက်ခိုက်မှုကို စစ်ကိုင်းခရိုင် ဒရုန်းတပ်ရင်း-SDDFနှင့် ညီနောင်မဟာမိတ်တပ်ဖွဲ့များ ဖြစ် ကြသော မြင်းခြံခရိုင်အမှတ် ၈ တပ်ရင်း ၊မိတ္ထီလာ Special Defence Force တို့ ပူးပေါင်းကာ တိုက် ခိုက်ခဲ့ခြင်းဖြစ်ကြောင်း သိရသည်။
D Day News
