0
0
ညောင်လေးပင်မြို့နယ်အတွင်း လှည့်လည်နေသည့် စစ်ကြောင်းကို ဒရုန်းဖြင့် ဗုံးကျဲတိုက်ခိုက်မှု အရာရှိ တစ်ဦးအပါအဝင် ၃ ဦးသေဆုံး
D Day News
ဇွန်လ ၂၉
ပဲခူးတိုင်း၊ ညောင်လေးပင်မြို့နယ်အတွင်း လှည့်လည်နေသည့် အကြမ်းဖက်စစ်တပ် စစ်ကြောင်းကို ဒရုန်းဖြင့် ဗုံးကျဲတိုက်ခိုက်ခဲ့ရာ အရာရှိတစ်ဦးအပါအဝင် ၃ ဦးသေဆုံးခဲ့ကြောင်း တောကျီးကန်းစစ် ကြောင်း ထံမှ သိရသည်။
ဇွန်လ ၂၇ ရက် ညနေ ၃ နာရီ ၁၅ မိနစ်ခန့်တွင် KNU တပ်မဟာ ၃ ၊ ပဲခူးတိုင်း၊ ညောင်လေးပင်မြို့ နယ်အတွင်းရှိ တော်လှန်ရေးတပ်ဖွဲ့ဝင်များ စိုးမိုးနယ်မြေများအတွင်းသို့ စစ်ကြောင်း ထိုးရန်လာသည့် စစ်ကောင်စီ၏ တပ်စွဲထားရာ ကင်းစခန်းတစ်ခုကို ဒရုန်းဖြင့် ၆၀ မမ ဗုံးသီးကျဲချတိုက်ခိုက်ခဲ့ရာ အရာ ရှိတစ်ဦးနှင့် အခြားအဆင့် ၂ ဦးသေဆုံးပြီး ၃ ဦးထက်မနည်း ထိခိုက်ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို တောကျီးကန်း ၇ ကောင် စစ်ကြောင်း၏ Drone တပ်ဖွဲ့က တိုက်ခိုက်ခဲ့ခြင်း ဖြစ်ပြီး အကြမ်းဖက်စစ်ကောင်စီတပ်ဖွဲ့က လက်နက်ကြီးများဖြင့် ပြန်လည်ပစ်ခတ်မှုများရှိခဲ့သော် လည်း တော်လှန်ရေး တပ်ဖွဲ့ဝင်များ အထိအခိုက်မရှိ အောင်မြင်စွာ ပြန်လည်ဆုတ်ခွာ နိုင်ခဲ့ကြောင်း သိရသည်။
D Day News
