0
0
Read Time:1 Minute, 11 Second
ကဗျာ ကဏ္ဍ “ဓမ္မတိုက်ပွဲ”
ပျိုးကြဲလက်
ငါ၏ဦးခေါင်း ၊ ဖော့ဖယောင်းသွင်
ပျော့ပြောင်းကြေမွ ၊ သွေးချင်းကျလည်း
လုံးဝလက်မြှောက် ၊ ဒူးမထောက် ။
ငါ၏အရိုး ၊ ကြာနွယ်မျိုးသို့
ပဲ့ကျိုးကြေမွ ၊ ပျော့ခွေကျလည်း
လုံးဝလက်မြှောက် ၊ ဒူးမထောက် ။
ငါ၏သွေးကွက် ၊ မြေမှာပွက်၍
ဓားချက်ကျည်ခ ၊ ပုံလျှက်ကျလည်း
လုံးဝလက်မြှောက် ၊ ဒူးမထောက် ။
ငါ့ယုံကြည်ချက် ၊ ဓမ္မဖက်၍
အသက်သေစေ ၊ ငါတို့မြေမှ
မွေခံသားကောင်း ၊ ငါဆုတောင်း၏ ။
ငါ့ပြည်ငါ့မင်း ၊ ဓမ္မကင်းလျှင်
မင်းချင်းနှိပ်စက် ၊ ပြည်ရွာပျက်က
စစ်မက်ထူပြော ၊ ရေစုန်မျောအံ့ ။
ငါ၏မျိုးဆက် ၊ အလှစွက်၍
စဉ်ဆက်ဝေဖြာ ၊ ငါ့ပြည်သာအောင်
ငါ့မှာအားအင်ရှိပါဘိ
ငါ့မှာစွမ်းရည်ရှိပါဘိ
ငါ့မှာတာဝန်ရှိပါဘိ ။ ။
ပျိုးကြဲလက်
ကဗျာရေးသားချိန် = ၂၀၂၂ ခုနှစ်၊ စက်တင်ဘာလ ၆ ရက် နံနက် အစောပိုင်း ၁ နာရီ ၁၁ မိနစ်
Photo – ထိုင်းနိုင်ငံအခြေစိုက် ဖြူစင်သော တွဲလက် ထောက်ပို့ရဲဘော်များ
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
