0
0
မြင်းမူမြို့ရှိ စစ်သားများနှင့်စစ်တပ် ဂိတ်စခန်းကို ဒရုန်းဖြင့် ဗုံးကျဲ တိုက်ခိုက်မှု စစ်သား ၂ ဦးသေဆုံး
D Day News
ဇွန်လ ၂၆
စစ်ကိုင်းတိုင်း၊ မြင်းမူမြို့ပေါ်ရှိ စစ်သားများနှင့် အလ္လကပ္ပကျေးရွာနှင့် ဝမ်းပြည့်ကျေးရွာကြား၌ ဆက်ကြေးကောက်နေသော အကြမ်းဖက်စစ်တပ် ဂိတ်စခန်းကို ဒရုန်းဖြင့် ဗုံးကျဲတိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း Sagaing District Drone Force-SDDF ထံမှ သိရသည်။
ဇွန်လ ၂၄ ရက် မွန်းလွဲ ၁ နာရီ ၃၀ မိနစ်အချိန်မှ ညနေ ၃ နာရီ ၃၀ မိနစ်အချိန်အထိ မြင်းမူမြို့နယ်၊ အလ္လကပ္ပကျေးရွာနှင့် ဝမ်းပြည့်ကျေးရွာကြား၌ ဂိတ်စခန်းချကာ ပြည်သူလူထုထံမှ ဆက်ကြေး ကောက်နေသော အကြမ်းဖက်စစ်သားများကို “Shar Htoo WAW” နည်းပညာ တိုက်ခိုက်ရေး Fixed Wings Drone ဖြင့် 1.5kg AIR BOMB ၅ လုံး ကျဲချတိုက်ခိုက်ခဲ့ကြောင်း သိရသည်။
“တိုက်ခိုက်မှု ၂ ကြိမ်မှာ စစ်သား ၂ ဦးပွဲချင်းပြီးသေတယ်၊ ၈ ဦးထိခိုက်ဒဏ်ရာ အပြင်းအထန်ရတယ်၊ ၁ ဦးကတော့ ဒုက္ခိတဘဝရောက်တယ်လို့ သတင်းရထားပါတယ်။” ဟု Sagaing District Drone Force-SDDF မှ တာဝန်ရှိသူတစ်ဦးက ပြောကြားသည်။
အလားတူ ဇွန်လ ၂၄ ရက် ညနေ ၃နာရီ ၃၀ မိနစ် ကျော်အချိန်ခန့်တွင် မြင်းမူမြိုမရဲစခန်းနှင့် စစ် ကောင်စီတပ်သားများ အခြေချနေထိုင်လျက်ရှိသော ကြားနေရာအား Sagaing District Drone Force-SDDFနှင့်အတူ ညီနောင်မဟာမိတ်များမှ “Shar Htoo WAW”နည်းပညာ တိုက်ခိုက်ရေး Fixed Wings Droneဖြင့် 1.5kg AIR BOMB ၂ လုံး ကျဲချတိုက်ခိုက်ခဲ့ကြောင်း သိရသည်။
အဆိုပါတိုက်ခိုက်မှုများကို Sagaing District Drone Force-SDDF ၊ စစ်ကိုင်းခရိုင် အမှတ် ၄ တပ် ရင်း၊ Chaung U People Defence Force- CHU PDF ၊ မြင်းခြံခရိုင် အမှတ် ၈ တပ်ရင်း ၊ URBAN HUNTER FORCE(UHF) နှင့် Meikhtila Special defence Force တို့ ပူးပေါင်း ကာ တိုက်ခိုက် ခဲ့ခြင်းဖြစ်ကြောင်း သိရသည်။
D Day News
