0
0
ရေဦးမြို့ရှိ အကြမ်းဖက်စစ်သားများ တပ်စွဲထားရာ နေရာကို ဗုံးကြဲတိုက်ခိုက်မှု စစ်သား ၃ ဦးသေဆုံး
D Day News
ဇွန်လ ၁၅
စစ်ကိုင်းတိုင်း၊ ရေဦးမြို့ရှိ အကြမ်းဖက်စစ်တပ်သားများတပ်စွဲထားရာ နေရာများကို ဗုံးကြဲတိုက်ခိုက် ခဲ့ရာ အကြမ်းဖက်စစ်သား ၃ ဦးသေဆုံးခဲ့ကြောင်း ရွှေဘိုခရိုင်အမှတ် ၁၄ တပ်ရင်းထံမှ သိရသည်။
ယနေ့ ဇွန်လ ၁၅ ရက် နံနက် ၁၀ နာရီ မိနစ် ၂၀ ခန့်က ရေဦးမြို့ မြောက်ဘက်အထွက်ရှိ အကြမ်း ဖက်စစ်တပ်စခန်းနေရာကို Fixed Wing Drone များ ဖြင့် ဗုံးသီး ၆ လုံးကြဲချ တိုက်ခိုက်ခဲ့ရာ အကြမ်းဖက်စစ်သားများ ထိခိုက်မှုရှိပြီး အသေးစိပ်အချက်အလက်များသိရှိနိုင်ရန် စုံစမ်းနေဆဲဖြစ် ကြောင်း သိရသည်။
“ထိခိုက်သေဆုံးမှုကတော့ မသိရသေးဘူး။ လက်နက်ငယ်တွေနဲ့တော့ ပြန်ပစ်တာရှိတယ်၊ ကျနော်တို့ ဘက်ကတော့ ပျက်စီးမှု၊ ထိခိုက်မှုမရှိပါဘူး။ ၁၃ ရက်နေ့က တိုင်းရင်းဆေးရုံမှာ ချလိုက်တာနဲ့ ၃ ဦး ရလိုက်တာရှိတယ်” ဟု ရွှေဘိုခရိုင်တပ်ရင်း ၁၄ ရေဦး PDF တာဝန်ရှိသူတစ်ဦးက ပြောကြား သည်။
ဇွန်လ ၁၃ ရက်နေ့က ရေဦးမြို့၊ တိုင်းရင်းဆေးရုံ၌ တပ်စွဲထားသော အကြမ်းဖက်စစ်သားများကို ဒရုန်းဖြင့် ဗုံးကျဲတိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးခဲ့ကြောင်း၊ အလားတူ ရေဦးမြို့ ဂါဝီဂိတ်ကို ဗုံးကျဲတိုက်ခိုက်ခဲ့ရာ BE တပ်သားတစ်ဦးနှင့် ပျူစောထီးတစ်ဦး အပြင်းအထန်ဒဏ်ရာ ရရှိခဲ့ကြောင်း သိရသည်။
အဆိုပါ တိုက်ခိုက်မှုများကို ရွှေဘိုခရိုင် အမှတ် ၁၄ တပ်ရင်း ၊ ရေဦး PDF မှ တိုက်ခိုက်ခဲ့ခြင်းဖြစ်ပြီး အကြမ်းဖက် စစ်ကောင်စီတပ်သားများမှ လက်နက်ငယ်များဖြင့် ပြန်လည်ပစ်ခတ်ခဲ့သော်လည်း ပြည် သူ့ကာကွယ်ရေး ရဲဘော်များ အထိအခိုက် ပြန်လည်ဆုတ်ခွာနိုင်ခဲ့ကြောင်း သိရသည်။
ရွှေဘိုခရိုင် အမှတ်(၁၄) တပ်ရင်း ဒရုန်း တပ်စုအနေဖြင့် အကြမ်းဖက်စစ်ကောင်စီတပ်သားများကို အ မြစ်ပြတ်ချေမှုန်းတိုက်ခိုက်သွားမည်ဖြစ်ကြောင်း အသိပေးထားသည်။
D Day News
