0
0
မုံရွာမြို့ပတ်လမ်းပေါ်တွင် ကင်းလှည့်ကားတစ်စီးကို ပစ်ခတ်တိုက်ခိုက်မှု ရဲ ၄ ဦးသေဆုံး၊ သေနတ် ၄ လက်သိမ်းဆည်းရရှိ
D Day News
မေလ ၃၁
စစ်ကိုင်းတိုင်း၊ မုံရွာမြို့ပတ်လမ်းပေါ်တွင် ကင်းလှည့်ကားတစ်စီးကို ပစ်ခတ်တိုက်ခိုက်ခဲ့ရာ ရဲ ၄ ဦး သေဆုံးပြီး သေနတ် ၄ လက်သိမ်းဆည်းရရှိခဲ့ကြောင်း Depeyin Local Mobile Team အဖွဲ့ထံမှ သိရသည်။
မေလ ၃၀ ရက်နေ့ နံနက် ၈ နာရီ ၂၉ မိနစ်ခန့်တွင် မုံရွာမြို့ပတ်လမ်း၌ အိမ်စီးကားအဖြူရောင်ဖြင့် ကင်းလှည့် နေသော အကြမ်းဖက် စစ်ကောင်စီလက်အောက်ခံ ရဲတပ်ဖွဲ့ဝင် ၄ ဦးကို ပြည်သူ့ကာ ကွယ်ရေးပူး ပေါင်းတပ်ဖွဲ့မှ ပစ်ခတ်တိုက်ခိုက်ခဲ့ရာ တော်လှန်ရေး တပ်ဖွဲ့ဝင်များက ပစ်ခတ်တိုက် ခိုက်ရာ ပွဲချင်း ပြီး သေဆုံးခဲ့ကြောင်း သိရသည်။
သေဆုံးသွားသော စစ်ကောင်စီလက်အောက်ခံရဲ ၄ ဦးထံမှ G-3 သေနတ် ၁ လက်၊ M4A-1 သေနတ် ၁ လက်၊ MA-13 သေနတ် ၂ လက်၊ ၉ မမ ကျည် ၅၀ တောင့်၊ 5.56 နေတိုးကျည် ၁၁၈ တောင့်နှင့် ဖုန်း ၄ လုံးတို့ သိမ်းဆည်း ရရှိခဲ့ကြောင်း သိရသည်။
အဆိုပါ တိုက်ခိုက်မှုကို Depeyin Local Mobile Team မှ ကိုမိုးကောင်း ( DLMT) ဦးဆောင်သော တပ်စိတ် ၊ မုံရွာမြို့နယ် ပလဖအဖွဲ့နှင့် ဘုတလင် Mobile Team တို့က ပူးပေါင်းကာ တိုက်ခိုက်ခဲ့ခြင်း ဖြစ်ကြောင်း သိရသည်။
D Day News
