0
0
နောင်ချိုမြို့နယ်၊ သုံးဆယ်ကျေးရွာကို စစ်တပ်က လက်နက်ကြီးဖြင့် ၆ ကြိမ်ထက်မနည်း ပစ်ခတ်မှု ကြောင့် ပြည်သူ ၇ ဦး ထိခိုက်ဒဏ်ရာရ
D Day News
မေလ ၁၉
ရှမ်းပြည်နယ်မြောက်ပိုင်း၊ နောင်ချိုမြို့နယ်၊ သုံးဆယ်ကျေးရွာကို အကြမ်းဖက်စစ်တပ်က လက်နက် ကြီးဖြင့် ပစ်ခတ်ခဲ့ရာ ပြည်သူ ၇ ဦးထက်မနည်း ထိခိုက်ဒဏ်ရာရရှိခဲ့ကြောင်း TNLA သတင်းနှင့်ပြန် ကြားရေးဌာနက ထုတ်ပြန်သည်။
မေလ ၁၅ ရက် ည ၉ နာရီအချိန်တွင် နောင်ချိုမြို့နယ်၊ သုံးဆယ်ကျေးရွာအုပ်စု၊ သုံးဆယ်ကျေးရွာကို အကြမ်းဖက် စစ်ကောင်စီတပ်က လက်နက်ကြီးဖြင့် ၆ ကြိမ်ထက်မနည်း ပစ်ခတ်ခဲ့ရာ သုံးဆယ်ကျေး ရွာနေပြည်သူ ၇ ဦးထက်မနည်း ဒဏ်ရာရရှိပြီး ၃ ဦးမှာ အပြင်းအထန်ဒဏ်ရာဖြင့် ပြင်ဦးလွင်ဆေးရုံသို့ လည်းကောင်း၊ ၄ ဦးမှာ မိုင်းလုံပြည်သူ့ဆေးရုံသို့ လည်းကောင်း ပို့ဆောင်ကုသထားကြောင်း သိရ သည်။
ထို့အပြင် နေအိမ် ၂ လုံးလည်း ထိခိုက်ပျက်စီးခဲ့ပြီး အကြမ်းဖက်စစ်ကောင်စီတပ်က တအာင်းပြည် အ တွင်းရှိ စစ်ရေးပစ်မှတ်မဟုတ်သော အရပ်သားပြည်သူလူထုများရှိရာအရပ်သို့ လက်နက်ကြီးဖြင့် ပစ် ခတ်မှုများ ပြုလုပ်လျက်ရှိကြောင်း အသိပေးထားသည်။
ထိုသို့ ပစ်ခတ်ခဲ့သော အကြမ်းဖက်စစ်ကောင်စီတပ်သည် ရွှေညောင်ပင်ကျေးရွာသို့ စစ်ကြောင်းထိုး ဝင်ရောက်လာပြီး အထိုင်ချတပ်စွဲထားသည့် စစ်သားများဖြစ်ကြောင်း သိရသည်။
ပြီးခဲ့သည့် ဧပြီလ ၂၇ ရက် နှင့် မေလ ၁၀ ရက်တို့တွင်လည်း လက်နက်ကြီးဖြင့် ပစ်ခတ်ခဲ့ရာ ပြည်သူ ၂ ဦးသေဆုံးပြီး ၅ ဦး အပြင်းအထန် ဒဏ်ရာရရှိကာ နေအိမ်များ ထိခိုက်ပျက်စီးမှုရှိခဲ့ကြောင်း TNLA သတင်းနှင့်ပြန်ကြားရေးဌာနက ထုတ်ပြန်ထားသည်။
D Day News
