0
0
မုံရွာ-ချောင်းဦးလမ်းပိုင်းတွင် ကြေးနီသယ်လာသော စစ်ယာဉ်တန်းကိုမိုင်းဆွဲတိုက်ခိုက် (ရုပ်သံ)
D Day News
မေလ ၁၄
စစ်ကိုင်းတိုင်း၊ မုံရွာမြို့နယ်၊ မုံရွာချောင်းဦးလမ်းပိုင်းတွင်း အကြမ်းဖက်စစ်ကောင်စီ၏ ကြေးနီသယ် ယာဉ်တန်းကို မိုင်းဆွဲတိုက်ခိုက်ခဲ့ရာ ဂျန်ပါကားကို ထိထိမိမိ ထိမှန်ခဲ့ကြောင်း BRAVE HEART ARMY-BHA တပ်ဖွဲ့ထံမှ သိရသည်။
ယမန်နေ့ မေလ ၁၃ ရက်နေ့က ဆာလင်းကြီးမြို့နယ်၊ ဝမ်ပေါင်ကုမ္ပဏီအတွင်းမှ ကြေးနီများ သယ်၍ ထွတ်လာသော တွဲကား ၁၂ စီး နှ့င် ယင်းတွဲကားများကို လုံခြုံရေး ယူပေးသော အကြမ်းဖက် စစ်တပ် Jammer ကား ၂ စီးကို နံနက် ၈ နာရီ မိနစ် ၄၀ အချိန်တွင် ပဒေသာမိုင်း ၅ လုံးဖြင့် တစ်ကြိမ်၊ နံနက် ၈ နာရီ ၄၃ မိနစ်တွင် ပဒေသာမိုင်း ၅ လုံးဖြင့် တစ်ကြိမ် မိုင်းဆွဲတိုက်ခိုက်ခဲ့ကြောင်း သိရသည်။
ထိုသို့ တိုက်ခိုက်မှုကြောင့် အကြမ်းဖက်စစ်သားများ ထိခိုက်သေဆုံးမှုရှိနိုင်ပြီး အတိအကျသိရှိနိုင်ရန် စုံစမ်းနေဆဲဖြစ်ကြောင်း သိရသည်။
အဆိုပါ တိုက်ခိုက်မှုကို BRAVE HEART ARMY-BHA ရဲဘော်များမှ ဦးဆောင်ပြီး မုံရွာခရိုင် တပ်ရင်း ၁၀ ၊ တပ်ခွဲ ၂ CHINDWIN FIGHTER GROUP-CFG နှင့် မုံရွာခရိုင်တပ်ရင်း ၂၈ တပ်ခွဲ ၁ တို့ပူးပေါင်း ကာတိုက်ခိုက်ခဲ့ခြင်းဖြစ်ပြီး ကင်းပုန်းအကြမ်းဖက်စစ်သားများက ပြန်ပစ်ခတ်မှုရှိခဲ့သော်လည်း ပြည် သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
BRAVE HEART ARMY-BHA အနေဖြင့် လက်နက်ခဲယမ်းဝယ်ယူရန် အခက်အခဲဖြစ်ပေါ်လျက်ရှိပြီး မိဘ ပြည်သူများအနေဖြင့် BRAVE HEART ARMY -BHA PAGE MESSENGER သို့ တိုက်ရိုက် လှူဒါန်း ကူညီပေးကြပါရန် မေတ္တာရပ်ခံထားသည်။
D Day News
