0
0
မုံရွာမြို့နယ်၊ ဗောဓိတစ်ထောင်တာဝါတိုင် စခန်းမှ ရေခပ်ရန် ဆင်းလာသော စစ်သားများကို တိုက် ခိုက်၊ အကြမ်းဖက်စစ်သား ၃ ဦး သေဆုံးပြီး သေနတ် ၁ လက်သိမ်းဆည်းရရှိ
D Day News
မေလ ၁၀
စစ်ကိုင်းတိုင်း၊ မုံရွာမြို့နယ်၊ ဗောဓိတစ်ထောင်တာဝါတိုင် စခန်းမှ ရေခပ်ရန် ဆင်းလာသော အကြမ်း ဖက် စစ်သားများကို ပစ်ခတ် တိုက်ခိုက်ရာ အကြမ်းဖက်စစ်သား ၃ ဦးသေဆုံးပြီး သေနတ် ၁ လက် သိမ်းဆည်းရရှိခဲ့ကြောင်း BRAVE HEART ARMY -BHA အဖွဲ့ထံမှ သိရသည်။
မေလ ၇ ရက်နေ့ နံနက် ၈ နာရီ ၅၀ မိနစ်ခန့်တွင် မုံရွာမြို့နယ်၊ ဗောဓိတစ်ထောင်တာဝါတိုင်စခန်းမှ သောက်ရေခပ်ရန် ဆင်းလာသော အကြမ်းဖက် စစ်သား ၄ ဦးကို အသင့်စောင့်ဆိုင်းပြီး ပစ်ခတ် တိုက် ခိုက်ခဲ့ရာ စစ်သား ၂ ဦး ပွဲချင်းပြီးသေဆုံးပြီး ၁ ဦး ပြင်းထန် ဒဏ်ရာရရှိခဲ့ကြောင်း၊ ပြင်းထန်ဒဏ်ရာ ရရှိသော စစ်သားကို ဗောဓိတစ်ထောင်တာဝါတိုင် စခန်းသို့ ခေါ်ဆောင်သွားစဉ် လမ်း၌ သေဆုံးခဲ့ ကြောင်း သိရသည်။
သေဆုံးသွားသော အကြမ်းဖက် စစ်သားများထံမှ G-3 သေနတ် ၁ လက်၊ ကျည်ဘောက် ၁ ခုနှင့် 7.62 ကျည် ၁၀ တောင့်တို့ သိမ်းဆည်း ရရှိခဲ့ကြောင်း သိရသည်။
အဆိုပါ တိုက်ခိုက်မှုကို CHINDWIN FIGHTER GROUP နှင့် ဗန္ဓုလနှင့် အဖွဲ့သားများက လက်နက် ပံ့ ပိုး ကူညီပေးခဲ့ပြီး တိုက်ခိုက်မှုများ ဆက်လက် လုပ်ဆောင်နိုင်ရန် ပြည်သူများအနေဖြင့် BRAVE HEART ARMY -BHA Page Messenger သို့ တိုက်ရိုက် ပါဝင် လှူဒါန်းပေးကြပါရန် မေတ္တာရပ်ခံ ထားသည်။
D Day News
