0
0
ဖလမ်းမြို့ရှိ လက်ကျန် ၂၆၈ တပ်ရင်းကို အောင်မြင်စွာသိမ်းပိုက်လိုက်ပြီး ဖလမ်းမြိုန့နယ်တစ်ခုလုံး စစ်ကောင်စီစင်သွားပြီဖြစ်ကြောင်း ချင်းညီနောင်ကြေညာ
သံလွင်မြန်မာသတင်း
ဧပြီလ ၉
ချင်းပြည်နယ်၊ ဖလမ်းမြို့ရှိ လက်ကျန် ၂၆၈ တပ်ရင်းကို အောင်မြင်စွာ သိမ်းပိုက်လိုက်ပြီး ဖလမ်းမြို့ နယ် တစ်ခုလုံး စစ်ကောင်စီကင်းစင်သွားပြီဖြစ်ကြောင်း ချင်းညီနောင်အဖွဲ့က ယနေ့ ဧပြီလ ၉ ရက် နေ့တွင် တရားဝင်ထုတ်ပြန်ကြေညာလိုက်သည်။
ပြီးခဲ့သည့် ၂၀၂၄ ခုနှစ်၊ နိုဝင်ဘာလ ၉ ရက်နေ့က ဖလမ်းမြို့သိမ်းတိုက်ပွဲကို ချင်းညီနောင်စစ်ဆင်ရေး (Operation CB) အဖြစ် ထိုးစစ်ဆင်တိုက်ခိုက်ခဲ့ရာ စစ်ကောင်စီတပ်က ဖလမ်းမြို့ မကျစေရေး အ တွက် ရှိရင်း ခလရ ၂၆၈ တပ်ရင်း အင်အားအပြင် ၂၀၂၄ ဒီဇင်ဘာလတွင် ခလရ ၈၉ မှ စစ်ကူ အင် အား ၁ဝဝ ဝန်းကျင်နှင့် ၂၀၂၅ မတ်လတွင် တပ်မ ၇၇ လက်အောက်ခံ ခလရ ၃၉၁ မှ စစ်ကူအင်အား ၁၀ဝ ခန့်ဖြင့် အင်အားအကြိမ်ကြိမ် ထပ်မံဖြည့်တင်းခဲ့ကြောင်း၊ ထို့အပြင် လေကြောင်းတိုက်ခိုက်မှု အကြိမ်ပေါင်း ၁ဝဝဝ ကျော် ဖြင့် အပြင်းအထန် ခုခံခဲ့ကြောင်း သိရသည်။
သို့သော်လည်း ချင်းညီနောင်စစ်ဆင်ရေးအဖွဲ့သားများ၏ မလျော့သောဇွဲလုံလဝရိယတို့ဖြင့် တိုက်ခိုက် မှုကြောင့် စစ်ဆင်ရေး ဖော်ဆောင်ပြီး ၅ လပြည့်သည့် ၂ဝ၂၅ ခုနှစ် ဧပြီလ ၉ ရက်နေ့တွင် စစ်ကောင်စီ တပ်ရင်း ခလရ ၂၆၈ ကို အပြီးသတ်သိမ်းပိုက်ကာ ဖလမ်းမြို့နယ် တစ်ခုလုံး စစ်ကောင်စီကင်း စင် သော နယ်မြေအဖြစ် ဖော်ဆောင်နိုင်ခဲ့ပြီဖြစ်ကြောင်း အသိပေးထားသည်။
ချင်းညီနောင်စစ်ဆင်ရေး (Operation CB) ဖလမ်းမြို့ သိမ်းတိုက်ပွဲတွင် 96 Soldiers PDF ၊ Anti-Fascist Internationalist Front (AIF) ၊ Burma National Revolutionary Army (BNRA) ၊ Burmese Revolutionary Technical Front (BRTF) ၊ Generation Z Army (GZA) ၊ Giant Revolution Force (GRF) ၊ Harmonious Northern Brothers (HNB) ၊ Kalay Revolution Force (KRF) ၊ Kalay Urban Guerrilla (Kalay UG) ၊ Myingyan Black Tiger (MBT) ၊ National Liberation Army (NLA) ၊ Revolution Ambulance Wolf (RAW Medical Team) ၊ Sagaing Federal Troop (SFT-Sol) ၊ Yaw Defense Force (YDF) ၊ Zo Army (ZA) ၊ ကလေးခရိုင် ပကဖနှင့် Drone အဖွဲ့တို့ ပါဝင်ခဲ့ကြောင်း သိရသည်။
ဤသို့ ဖလမ်းမြို့ နယ်တစ်ခုလုံး စစ်ကောင်စီကင်းစင်သော နယ်မြေအဖြစ် ဖော်ဆောင်နိုင်ခဲ့ခြင်းမှာ ချင်းညီနောင် နှင့် မဟာမိတ်အင်အားစုများ၏ မဆုတ်မနစ်သော စိတ်ဓာတ်ဖြင့် ကြံ့ကြံ့ခံထိုးစစ်ဆင် တိုက်ခိုက်မှု၊ အာရက္ခ တပ်တော်မှ ခဲယမ်းစစ်လက်နက်များအပြင် စစ်ရေးဆိုင်ရာ အကြံဉာဏ်များ ပံ့ပိုးကူညီမှုနှင့် မိဘပြည်သူများ၏ တက်ညီလက်ညီ တစိုက်မတ်မတ် ထောက်ပို့ပါဝင်မှုများ ကြောင့် သာ ဖြစ်ပါကြောင်း ထုတ်ပြန်ချက်တွင်ဖော်ပြထားသည်။
ချင်းညီနောင်စစ်ဆင်ရေး(Operation CB) အဖြစ် ဖော်ဆောင်ခဲ့သော ဖလမ်းမြို့ သိမ်းစစ်ဆင်ရေး အတွင်း အသက်ပေးသွားကြသည့် အာဇာနည်သူရဲကောင်းများ၊ ကိုယ်လက်အင်္ဂါ ပေးဆပ်ခဲ့ကြသည့် ရဲဘော်များနှင့် အောင်ပွဲရသည်အထိ ရွပ်ရွပ်ချွံချွံ ချီတက်တိုက်ပွဲဝင်ခဲ့ကြသော တပ်မှူး၊ တပ်သား များ၏ ရဲစွမ်းသတ္တိနှင့် ဇွဲလုံ့လ ရှိမှုတို့ကို လေးစားစွာ ဂုဏ်ပြုပါကြောင်းနှင့် ချင်းညီနောင် (CB) အနေ ဖြင့် စစ်အာဏာရှင်စနစ် ကျဆုံးရေးနှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးတွင် မဟာမိတ်များနှင့်အတူ ဆက်လက်တိုက်ပွဲဝင် သွားမည်ဖြစ်ကြောင်း အသိပေးထားသည်။
Thanlwin Myanmar Media
