0
0
ငါးဇွန်မြို့နယ်၊ မြို့သာစက်မှုဇုန်အနီးတွင် တပ်စွဲထားသော စစ်သားများကို တိုက်ခိုက်မှု စစ်သား ၄ ဦး သေဆုံး (ရုပ်သံ)
သံလွင်မြန်မာသတင်း
မတ်လ ၂၃
မန္တလေးတိုင်း၊ ငါန်းဇွန်မြို့နယ်၊ မြို့သာစက်မှုဇုန်အနီးတွင် တပ်စွဲထားသော စစ်သားများကို တိုက် ခိုက်ခဲ့ရာ စစ်သား ၄ ဦးသေဆုံးခဲ့ကြောင်း နဂါးနီပြောက်ကျားတပ်ဖွဲ့ -မြင်းခြံထံမှ သိရသည်။
မတ်လ ၂၁ ရက် နံနက် ၉ နာရီခန့်က ငါန်းဇွန်မြို့နယ် ၊ မြို့သာ စက်မှုဇုန် ၊အင်းဝဘဏ် အနီးတွင် အင်းအား ၄၀ ခန့်ဖြင့် တပ်စွဲထားသော စစ်သားများအနက် ၁၅ ဦးသည် ဘဏ်နှင့် မီတာ (၃၀၀) ခန့် အကွာ၌ ခရီးသွားပြည်သူများအား ပေါ်တာစွဲဖမ်းဆီးခြင်း၊ အတင်းအဓမ္မ ငွေကြေးတောင်းခံခြင်းများ ပြုလုပ်နေသဖြင့် သွားရောက်ပစ်ခတ်တိုက်ခိုက်ခဲ့ခြင်းဖြစ်ကြောင်း သိရသည်။
ထိုသို့ တိုက်ခိုက်မှုအတွင်း စစ်သား ၄ ဦးသေဆုံးပြီး ၁ ဦးအပြင်းအထန်ဒဏ်ရာရရှိခဲ့ကြောင်း၊ သေဆုံး သွားသော စစ်သားအလောင်းများကို မြို့သာစက်မှုဇုံထဲသို့ သယ်ဆောင်သွားကြောင်း သိရသည်။
အဆိုပါတိုက်ခိုက်မှုကို နဂါးနီပြောက်ကျားတပ်ဖွဲ့-မြင်းခြံ ၊ ငါန်းဇွန်မြို့နယ် တပ်ရင်း ၆ တပ်ခွဲ ၃ နှင့် ငါန်းဇွန်း မြိုနယ် ပကဖ တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
