0
0
Read Time:1 Minute, 1 Second
ကဗျာကဏ္ဍ “ဘုံရန်”
ပျိုးကြဲလက်
စစ်ဖိနပ်ကို ခေါင်းမှာရွက်လို့
ငဲ့ကွက်မဲ့လမ်း လိုက်သူမှာ ။
အာဏာ့နွံ ဝဲဂယက်က
ဆွဲနှစ်လျှက်သာ ။
ရုန်းထွက်ဖို့ မရေရာ
သေချာတာ ပြည့်အမုန်း ။
ဘဝမှာ မွန်းကြပ်လှတယ်
လူ့အညွန့်တုံး ။
ရာထူးရှိရင် ချမ်းသာကြလို့
လာဘ်လာဘ ထူပြောမယ် ။
အောက်ခြေမှာ အစဉ်အမြဲ
ကြုံခဲလှတယ် ။
ကြွေကျတဲ့ အသီးရယ်
စားကြကွယ် သင်ပြပေး ။
မကြွေမီ သူတက်ခူးတော့
ရူးကြပေါ့လေး ။
စစ်ကျွန်ခံ ဘဝလမ်းက
ကြမ်းပါပေါ့ မောင်တို့ရယ် ။
ပြည်သူကို အံမတုနဲ့
ရန်စုလိမ့်မယ် ။
မကျေနပ်လို့ ထထတွယ်
အဘတို့တကယ် မကြည့်ဘူး ။
ဘုံရန်ကို စုံကန်ထွက်လို့
ပြည်သူ့ဘက်ကူး ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မတ်လ ၃ ရက် မွန်းတည့် ၁၂ နာရီ ၂၁ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
