0
0
သေနတ် ၁ လက်၊ ခဲယမ်းများယူဆောင်ကာ အလင်းဝင်လာသည့် စစ်သားကို ဆုငွေ ကျပ်သိန်း ၆၀ ချီးမြှ့င်
သံလွင်မြန်မာသတင်း
မတ်လ ၅
တနင်္သာရီတိုင်း၊ တနင်္သာရီမြို့နယ်တွင် သေနတ် ၁ လက်နှင့်ခဲယမ်းများယူဆောင်ပြီး အလင်းဝင်ခဲ့သည့် စစ်ကောင်စီတပ်သားကို ဆုငွေကျပ်သိန်း ၆၀ ချီးမြှင့်ခဲ့ကြောင်း တနင်္သာရီမြို့နယ်ပကဖထံမှ သိရသည်။
ပြီးခဲ့သည့် ၂၀၂၄ ခုနှစ်၊ နိုဝင်ဘာလ ၄ ရက်နေ့က တနင်္သာရီမြို့နယ်၊ ဇဝဲရွာ အခြေစိုက် ခမရ – ၅၅၆ ခြေမြန်တပ်ရင်းမှ တသ ဝေလင်းထွန်းသည် တနင်္သာရီမြို့တွင်း လုံခြုံရေးတာဝန်ကျနေစဉ် MA.2 အ မျိုး အစား (စက်ကလေး) သေနတ် ၁ လက်၊ ၅.၅၆ ကျည်အတောင့် ၂၀ ၊ ကျည်ဘောက် ၁ တို့နှင့် အ တူ တနင်္သာရီမြို့နယ်ပြည်သူ့ကာကွယ်ရေးတပ်အဖွဲ့ ထံ ဆက်သွယ်ကာ အလင်းဝင်ရောက်ခဲ့ ကြောင်း သိရသည်။
ထိုသို့ အလင်းဝင်ရောက်ခဲ့သည့် စစ်ကောင်စီတပ်သားအား အမျိုးသားညီညွတ်ရေးအစိုးရ၊ ကာကွယ် ရေးဝန်ကြီးဌာနမှ ဂုဏ်ပြုဆု ငွေကျပ် သိန်း ၆၀ ပေးအပ်ချီးမြှင့်ခဲ့ခြင်းဖြစ်ကြောင်း သိရသည်။
တနင်္သာရီမြို့နယ်ပြည်သူ့ကာကွယ်ရေးတပ်ဖွဲ့(ပ.က.ဖ) အနေနှင့် CDMအလင်းဝင်ရောက်လာသူ အ ကြမ်းဖက်စစ်တပ်၏ စစ်မှုထမ်းအမိန့် ကြေညာချက်များကြောင့် အတင်းအဓမ္မတပ်သား စုဆောင်းခံရ သူများအပါအဝင် ပြည်သူဘက်ရပ်တည်လိုသော တပ်မတော်သားများနှင့်ရဲတပ်ဖွဲ့ဝင်များကို လက် ကမ်းကြိုဆိုနေမည်ဖြစ်ပြီး စစ်ကောင်စီလက်အောက်ခံ တပ်သားများအနေဖြင့် နီးစပ်ရာတော်လှန် ရေးတပ်ဖွဲ့များထံသို့ ချိတ်ဆက်ကာ အလင်းဝင်ရောက်ကြရန် အသိပေးတိုက်တွန်းထားသည်။
Thanlwin Myanmar Media
