0
0
အရာတော်မြို့နယ်၊ ငွေတွင်းပျူစောထီးရွာ ကင်းပုန်းများကို တိုက်ခိုက်မှု ပျူစောထီး ၁ ဦးသေဆုံး (ရုပ်သံ)
သံလွင်မြန်မာသတင်း
ဖေဖော်ဝါရီလ ၁၅
စစ်ကိုင်းတိုင်း၊ အရာတော်မြို့နယ်၊ ငွေတွင်း ပျူစောထီးကျေးရွာ ကင်းပုန်းများကို ဝင်ရောက်တိုက် ခိုက်ခဲ့ရာ ပျူစောထီး ၁ ဦးသေဆုံးခဲ့ကြောင်း မုံရွာခရိုင်တပ်ရင်း ၁၉ – ရောင်နီဦးတပ်ရင်းထံမှ သိရ သည်။
ဖေဖော်ဝါရီလ ၁၁ ရက် ညနေ ၃ နာရီ ၂၀ မိနစ်အချိန်က အရာတော်မြို့နယ်၊ ငွေတွင်းပျူစောထီး ကျေးရွာအနီးပတ်ဝန်းကျင်ရှိ ကင်းပုန်းစခန်း ၃ ခုကို ပြည်သူ့ကာကွယ်ရေးပူးပေါင်းတပ်ဖွဲ့ဝင်များက သွားရောက်ပစ်ခတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ခိုက်ပွဲ ၁၅ မိနစ်ခန့်ကြာမြင့်ခဲ့ပြီး ပျူ စောထီး ၁ ဦးသေဆုံးခဲ့ကြောင်း သိရသည်။
“ငွေတွင်းရွာမှာက ပျူရော ၊ စခ ရောပေါင်းရင် ၈၀ ကျော် ၉၀ နီးပါးလောက်ရှိသေးတယ်။ ရွာပတ် ပတ်လည်မှာရှိတဲ့ ကင်းပုန်းစခန်း ၃ ခုကို ဝင်တိုက်ခဲ့တာပါ။ အင်အားက ၄၅ ဦးလောက်တော့ရှိမယ်၊ ကင်းပုန်းဝပ်နေတာ၊ မိဘပြည်သူတွေအနေနဲ့ စစ်ရေးသတိရှိရှိနေပေးကြဖို့နဲ့ အခုထက်ပိုမို့ လှုပ်ရှား နိုင်ဖို့ ခဲယမ်းကူပေးကြပါလို့ မေတ္တာရပ်ခံချင်ပါတယ်” ဟု မုံရွာခရိုင်တပ်ရင်း ၁၉ – ရောင်နီဦးတပ်ရင်း မှ တာဝန်ရှိ သူတစ်ဦးက ပြောကြားသည်။
အဆိုပါ တိုက်ခိုက်မှုကို မုံရွာခရိုင် ဗျူဟာ ၆၆ စစ်ကြောင်း (မုံရွာခရိုင်တပ်ရင်းအမှတ် ၁၉ ရောင်နီဦး တပ်ရင်း ၊ အမှတ် ၂၁ တပ်ရင်း ၊ အမှတ် ၂၆ တပ်ရင်း) ၊အရာတော်မြို့နယ် ပကဖအဖွဲ့များနှင့် အခြား မဟာမိတ်အဖွဲ့များ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များ အထိ အခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
