0
0
ကဗျာကဏ္ဍ “ပြည်သူ့ရင်သွေး”
ပျိုးကြဲလက်
အာကာယံ ဝေဟင်ထဲက
ဗုံးကြဲတဲ့ လေသူရဲမောင် ။
ပြည်သူကို ဒုက္ခပေးလို့
သတ္တိသွေးကြောင် ။
နင့်လက်ချက်နဲ့ စစ်ဘေးရှောင်
စည်းစိမ်ပြောင်အောင် ဖျက်သား ။
ခါတလေ
သေသူတွေ ဆန်းစစ်က
တပ်မတော် ဆွေမျိုးထုနဲ့
မိသားစုများ ။
အာဏာ့ရှင် လူတစ်စုက
ကျွန်ပြုတဲ့ လူပြိန်းတွေ ။
ကြည်းရေလေ တပ်တော်တွင်းက
လူဖျင်းတို့ရေ ။
ပြည်သူတို့ မပြတ်သေ
နင့်ဆွေမျိုးတွေ မပါလား ။
ဗုံးကြဲသူ လေသူရဲက
ကြိတ်လဲ ခံသား ။
တပ်ချစ်သူနဲ့ တပ်မတော်သား
ခံငြားကွယ့် သူရဲကို ။
ပြည်သူတွေ တစ်ယောက်တအားနဲ့
စွန့်စားလို့ဖြို ။
ဗုံးကြဲလိုက်လို့ အသက်တို
မဆိုင်သူကို ထိငြား ။
လေသူရဲတို့ ဆွေမျိုးထု
ဝဋ်စုစေသား ။
သတ္တိပြောင် မှန်ရာရပ်တဲ့
ပြည်ချစ်တပ်သား သူငယ်ချင်းရေ ။
ကြည်းရေလေ တပ်အတွင်းက
ဖရဲခင်းတွေ ။
လေသူရဲနဲ့ သတင်းအထွေထွေ
တော်လှန်မြေ ပို့ပေး ။ ။
ရဲဘော်သာ သည်လူထုရဲ့
ပြည်သူ့ရင်သွေး ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ ဖေဖော်ဝါရီလ ၁၃ ရက် မွန်းလွဲ ၂ နာရီ ၅ မိနစ်
Thanlwin Myanmar Media
