0
0
Read Time:1 Minute, 3 Second
ကဗျာကဏ္ဍ “မိမိကိုယ်သာ”
ပျိုးကြဲလက်
သူတည်းတစ်သက် ၊ အာဏာမက်၍
မြို့ပျက်ရွာပျက် ၊ အိမ်ရာပျက်ပြီ ။
သစ်ရိပ်ဝါးရိပ် ၊ ကျောင်းကန်ရိပ်လည်း
စိုးထိပ်ဗျာပွေ ၊ ပူလောင်ချေပြီ ။
ခေါင်းလောင်းထိုးသံ ၊ တညံညံနှင့်
စာအံသံတိတ် ၊ ကျောင်းတွေပိတ်ပြီ ။
တရားမဲ့ကင်း ၊ စစ်မက်ခင်း၍
သွေးချင်းနီရဲ ၊ လင်းတဆွဲပြီ ။
မိအိုဖအို ၊ ဇရာအိုတို့
ဝန်ပိုဒုက္ခ ၊ စစ်ပြေးရပြီ ။
လောကငရဲ ၊ လောင်မြိုက်ဆဲ၌
တလွဲအတ္တ ၊ လွန်ကဲကြပြီ ။
အို
လောကစောင့်ကြပ် ၊ အသင်နတ်တို့
သေနတ်ဖောက်၍ ကြောက်ပြီလော ။
လောကစောင့်ကြပ် ၊ အသင်နတ်တို့
သေနတ်ကြောက်၍ ပျောက်ပြီလော ။
အလို
တရားစောင့်ကြပ် ၊ လောကနတ်ပင်
သေနတ်ကျည်ခ ၊ ကြွေခဲ့ရရှာပြီတကား ။
ပျိုးကြဲလက်
ကဗျာရေးသားချိန် = ၂၀၂၁ ခုနှစ်၊ ဒီဇင်ဘာလ ၁၂ ရက် နံနက်အစောပိုင်း ၁ နာရီ ၄၃ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
