0
0
ရေစကြိုမြို့နယ် ဟင်္သာရွာမှ ပျူစောထီးများ စစ်ကြောင်းထွက်လာစဉ်ကြားဖြတ်တိုက်ခိုက်မှု ၃ ဦး အပြင်းအထန်ဒဏ်ရာရ
D Day News
ဧပြီလ ၁၈
မကွေးတိုင်း၊ ရေစကြိုမြို့နယ်၊ ဟင်္သာရွာမှ ပျူစောထီးများ စစ်ကြောင်းထွက်လာစဉ် ကြားဖြတ်တိုက် ခိုက်ခဲ့ရာ ပျူစောထီး ၃ ဦး အပြင်းအထန်ဒဏ်ရာရရှိခဲ့ကြောင်း ရေစကြိုမြို့နယ်ပြည်သူ့ကာကွယ်ရေး တပ်ဖွဲ့ – ပကဖ ထံမှ သိရသည်။
ဧပြီလ ၁၆ ရက် နံနက် ၉ နာရီခွဲခန့်က ရေစကြိုမြို့နယ်၊ ဟင်္သာရွာမှ ပျူစောထီးအင်အား ၃၀ ခန့်ဖြင့် ရပ်သာကျေးရွာဘက်သို့ ထွက်လာစဉ် ဘုမ္မကျွန်းရွာနှင့် ရပ်သာကျေးရွာကြားအရောက် ပြည်သူ့ ကာ ကွယ်ရေးတပ်ဖွဲ့ဝင်များမှ ကြားဖြတ်တိုက်ခိုက်ခဲ့ရာ ပျူစောထီး ၃ ဦးအပြင်းအထန် ဒဏ်ရာ ရရှိပြီး ၁ ဦး မှာ ပခုက္ကူဆေးရုံသို့ ပို့ဆောင်ကုသထားကြောင်း သိရသည်။
“ဟင်္သာပျူရွာက ဆင်ချောင်းနဲ့နီးတယ်။ အဲဒီဟင်္သာပျူရွာကနေ အင်အား ၃၀ လောက်ထွက်လာတာ။ ပျူတွေချည်းပဲ။ သေသွားတာတော့ မကြားမိဘူး၊ ကျနော်တို့ သတင်းရတာတော့ ၃ ယောက်ကတော့ တော်တော်ပြင်းပြင်းထန်ထန် ဒဏ်ရာရတယ်။ အဲဒီထဲကမှ တစ်ယောက်ကတော့ ပခုက္ကူမှာ ဆေး ကုသ မှုခံ ယူနေတယ်လို့ပဲ သိရတာ။ တိုက်ပွဲဖြစ်ပြီး ပြန်ဆုတ်သွားတာ” ဟု ရေစကြို ပကဖ မှတာဝန် ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ – ပကဖ ရဲဘော်များက တိုက် ခိုက်ခဲ့ခြင်းဖြစ်ပြီး အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။
D Day News
