0
0
မုံရွာ – အရာတော်လမ်းပိုင်းတွင် စစ်တပ် ရိက္ခာပို့ယာဉ်တန်းများကို မိုင်းဆွဲပစ်ခတ်တိုက်ခိုက်
သံလွင်မြန်မာသတင်း
ဇန်နဝါရီလ ၁၈
စစ်ကိုင်းတိုင်း၊ အရာတော်မြို့နယ်၊ မုံရွာ -အရာတော်လမ်းပိုင်းတွင် အကြမ်းဖက်စစ်ယာဉ်တန်းကို မိုင်းဆွဲ ပစ်ခတ်တိုက်ခိုက်ခဲ့ကြောင်း Ayadaw Rocket တပ်ဖွဲ့ထံမှ သိရသည်။
ဇန်နဝါရီလ ၁၄ ရက်နေ့က မုံရွာမြို့မှ ထွက်လာသော အကြမ်းဖက်စစ်ကောင်စီတပ် ရိက္ခာတင်ကား များကို မိုင်းဆွဲတိုက်ခိုက်ခဲ့ပြီး ယင်းယာဉ်တန်းကို လုံခြုံရေးယူပေးသည့် ကင်းပုန်းဝပ်နေသော စစ် ကောင်စီ တပ်သားများကို ၄၀ မမ လက်နက်ကြီး ၄ လုံးအပါအဝင် လက်နက်ငယ်များဖြင့်လည်း ပစ် ခတ်တိုက်ခိုက်ခဲ့ကြောင်း သိရသည်။
အလားတူဇန်နဝါရီလ ၆ ရက်နေ့က အရာတော်မြို့မှ ထွက်လာသော အကြမ်းဖက်စစ်တပ် ၁၂ ဘီး ကား များကို မိုင်း ၉ လုံးဖြင့် တိုက်ခိုက်ခဲ့ရာ ကား ၁ စီးပျက်စီးခဲ့ကြောင်း ၊ အလားတူ ဇန်နဝါရီလ ၉ ရက်နေ့တွင်လည်း အကြမ်းဖက်စစ်ကောင်စီတပ်သားများကို Ayadaw Rocket တပ်ဖွဲ့နှင့် မဟာမိတ် တပ်ပေါင်းစု များ ပူးပေါင်းကာ ပစ်ခတ်တိုက်ခိုက်ခဲ့ကြောင်း သိရသည်။
အဆိုပါ တိုက်ခိုက်မှုများကို Ayadaw Rocket တပ်ဖွဲ့၊ အရာတော်မြို့နယ် ပြည်သူ့ကာကွယ် ရေး အဖွဲ့ (ပ.က.ဖ) ၊ မုံရွာခရိုင်ပြည်သူ့ကာကွယ်ရေးတပ်မတော် တပ်ရင်း ၁၉ ၊ တပ်ရင်း ၂၁ ၊ တပ် ရင်း ၂၄ ၊ တပ်ရင်း ၂၆ ၊ မုံရွာခရိုင်လေကြောင်းစစ်ဆင်ရေးတပ်ဖွဲ့ နှင့် လက်နက်ကြီးတပ်ဖွဲ့တို့ ပူးပေါင်းကာ တိုက် ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
