0
0
ကဗျာကဏ္ဍ “လူ့ဗာလတို့ သွားရာလမ်း”
ပျိုးကြဲလက်
အမှားအမှန် အကောင်းအဆိုးရယ်နဲ့
အကြောင်းအကျိုးကို ဝေဖန်ကာ မဆန်းစစ်နိုင်ဘု
လူညစ်ဗာလ ရှေးဘဝပေးကံကြမ္မာရယ်က
မခွဲမခွာ စွဲလို့သာ အကုသိုလ်အမြစ်ဆိုးရယ်ကြောင့်
ကောင်းကျိုးဆောင်ဖို့ မတတ်သာ ။
အများဝန် ဘယ်လိုပင် ထမ်းမဟဲ့ရယ်လို့
မကျွမ်းရာ လမ်းရှာဖောက်ပေမယ့်
မှန်းရာမပေါက် ရမ်းရာရောက်သမို့
စခန်းသာပျောက်ဆုံးပြင် ဂြိုလ်ဆိုးတကယ်ဝင်ပုံက
လူဆိုးအမြင်နဲ့ ကျော်ကြားလာ ။
အကုသိုလ် အမြစ်ဇောရယ်က
ဝစီမနော ကာယကံမှာနှောပြန်တော့
လောဘဒေါသ မောဟရယ်အထွေထွေနဲ့
အမှားဗရပွေ မနားမနေ ကျူးလွန်ကာ
မိုက်ရှာပေါ့ တနေ့ တစ်မျိုး ။
လူမိုက်နဲ့ လူဆိုးရယ်က
ပိုးဖလံမျိုး မီးပုံကို တိုးသလိုပ
အဝီစိအိုး ဂျိုးကပ်ချင်ကပ်စေတော့
အထပ်ထပ်အခါခါ မရိုးရအောင်ပ
ဆိုးချင်သပဆို မတားတော့ပါဘု
(ကွယ်)
သွားရော့ဒယ်အိုး ။ ။
ပျိုးကြဲလက်
ကဗျာရေးသားချိန် = ၂၀၂၁ ခုနှစ်၊ ဇန်နဝါရီလ ၁၅ ရက် ညနေ ၅ နာရီ ၅၉ မိနစ်
Thanlwin Myanmar Media
