0
0
ပုလောမြို့ပေါ်ရှိ စစ်ဖက်ရေးရာလုံခြုံရေးရုံးကို ဝင်ရောက်စီးနင်း၊ စတင်ပစ်ခတ်သည့်နှင့်တပြိုင်နက် စစ်ာသးများကြောက်လန့်ထွက်ပြေး
သံလွင်မြန်မာသတင်း
ဇန်နဝါရီလ ၇
တနင်္သာရီတိုင်း၊ ပုလောမြို့နယ်၊ အမှတ် ၂ ရပ်ကွက်ရှိ စစ်ဖက်ရေးရာ လုံခြုံရေးအဖွဲ့ – စရဖ ရုံးကို ဝင် ရောက်စီးနင်းခဲ့ရာ သေနတ်ပစ်ဖောက်ဝင်ရောက်သည်နှင့်တပြိုင်နက် စစ်သားများ ကြောက်လန့် ထွက်ပြေးသွားကြောင်း မြိတ်ခရိုင်အမှတ် ၁ တပ်ရင်းထံမှ သိရသည်
ယမန်နေ့ ဇန်နဝါရီလ ၆ ရက် ည ၁၁ နာရီ ၁၀ နာရီမိနစ်က ပုလောမြို့၊ အမှတ် ၂ ရပ်ကွက်ရှိ တရားမ ဝင်အကြမ်းဖက်စစ်ကောင်စီ၏ လက်အောက်ခံ စစ်ဖက်ရေးရာ လုံခြုံရေးအဖွဲ့ – စရဖ ရုံးကို ဝင် ရောက် စီးနင်းခဲ့ရာ စတင်ပစ်ခတ်သည့် အကြမ်းဖက်စစ်သားများမှာ သေနတ် ၆ ချက်ခန့်ရမ်းသမ်း ပစ်ခတ်ပြီး ကြောက်လန့်တကြား ထွက်ပြေးသွားကြောင်း သိရသည်။
“အင်အားက မြို့တော်ခန်းပါ ပေါင်းမှ ၇ ဦးလောက်ပဲရှိတာပါ။ လက်နက်တွေတော့ မရခဲ့ဘူး။ မီးရှို့ခဲ့ တာက ရုံးတခြမ်းမီးလောင်သွားတယ်။ စစ်ကူလာတာမျိုး၊ လာရောက်တိုက်ခိုက်တာမျိုးမရှိပါဘူး” ဟု မြိတ်ခရိုင်အမှတ် ၁ တပ်ရင်းမှ တာဝန်ရှိသူတစ်ဦးက ပြောကြားသည်။
အကြမ်းဖက်စစ်သားများ ထွက်ပြေးသွားပြီးနောက် ရုံးကို ဝင်ရောက်ရှာဖွေ စစ်ဆေးရာ ကျည်ဘောက် ၂ ခု ၊ ကျည်ဆံ အတောင့် ၁၀၀ နှင့် စာရွက်စာတမ်းများ သိမ်းဆည်းရရှိခဲ့ပြီး စရဖရုံးကို မီးရှို့ဖျက်ဆီးခဲ့ ရာ ရုံးတခြမ်းလုံးပြာကျသွားကြောင်း သိရသည်။
အဆိုပါ စီးနင်းမှုကို ပြည်သူ့ကာကွယ်ရေးတပ်မတော်၊ မြိတ်ခရိုင်အမှတ် ၁ တပ်ရင်းရဲဘော်များက လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာ နိုင်ခဲ့ကြောင်း သိရသည်။
Thanlwin Myanmar Media
